C朗喺欧联仲未开斋。
欧联G组方面，祖云达斯主场迎战费伦斯华路士，呢组出线形势鲜明，目前以6分排小组次名嘅意甲豪门祖云达斯，同榜首巴塞隆拿已遥遥领先，大有机会携手出线。为争榜首及尽早锁定晋级，祖记一心大胜兼尽早开纪录，匈牙利球队费伦斯华路士防线脆弱，顶唔住对手强攻，祖云达斯让两球，都要让球主胜。
祖云达斯喺头3场分组赛2胜1负，王牌前锋C朗之前因伤病只上阵过1场，今届欧联罕有地未曾入球，以呢位葡萄牙球王好胜嘅性格，今仗对住实力低几班嘅费伦斯华路士，势必疯狂射门争取入球。此外，另一位祖记前锋艾华路莫拉达今届欧联已有4球进帐，包括上轮对费伦斯华路士梅开二度，今场势必继续数胡。
费伦斯华路士唔会龟缩
另边厢，费伦斯华路士虽然实力不足，但却未有打算死守，主动踢法製造大量失球，3仗只有1分而且合共失咗11球之多，包括上轮分组赛主场以1比4输畀祖云达斯。正係由于呢种「唔怕死」嘅踢法，令到祖记有更多空间争取入球，要大炒费伦斯华路士3球或以上应该唔难。
