靠加里夫巴利食胡
另一支英超劲旅热刺，今晚喺欧霸J组作客保加利亚球队卢多格德斯。热刺上轮爆冷输波，为争出线不能再大意，撞正两战全败嘅鱼腩部队卢多格德斯，可谓抢分良机，上盘有计。
热刺喺英超係威係势，不过上轮欧霸爆冷输畀安特卫普，明显係轻敌，虽然主帅摩连奴有心畀副选打欧霸，好似加里夫巴利、卡路士云尼斯奥斯都落力，但卢施素、迪利阿里、宾戴维斯表现严重缺态，输波亦无话可说。依家安特卫普以6分排榜首，热刺与宁斯则落后3分，比之前预计热刺会独大嘅情况紧凑得多，相信今仗唔敢再大意，就算哈利卡尼、孙兴民等未必担正，但卢卡斯莫拉、拉美拿等亦会登场，支援啱啱喺联赛入波嘅「大圣爷」加里夫巴利，有望全取3分。
卢多格德斯欧战未够班
卢多格德斯虽为保加利亚1哥，但出到欧洲赛确係唔多够班，唔单止今届头两轮欧霸输晒，连埋上届在内，近5场欧霸只得1胜4负，实在难登大雅之堂。何况热刺今季客场特醒，联赛连盃赛在内，4场作客取得3胜1负，加上主帅摩连奴执教生涯两次捧走欧霸盃，今仗对弱旅梗係唔衰得，上盘值得捧场。
