世盃外南美洲區大戰，烏拉圭周六早上主場迎戰阿根廷。烏拉圭連輸2場後已跌出前4直接出線位置，今仗更有卡雲尼等多位主力受傷缺陣，相反阿根廷精銳盡出，而且喺出線資更多分析請瀏覽華體網sportscn.com格穩陣下，球員可以輕裝上陣，憑更高質素及狀態有力再贏，捧客勝！
卡雲尼有傷未入選
烏拉圭青黃不接問題嚴重，王牌前鋒卡雲尼季初喺曼聯長居後備，狀態低沉下連帶國家隊亦失去正選，結果烏拉圭上月3仗1和2負只入1球。卡雲尼近期雖然復任正選，卻喺國際賽期前受傷未能入選，加上麥斯高美斯、費達歷高華維迪等同樣因傷落選，球隊嘅戰斗力將受到重大打擊。
阿根廷今屆11場仍然保持不敗，目前同第5位有9分距離，出線資格相當穩陣，不過呢支美洲盃冠軍未有放軟手腳，近5仗世盃外有4勝1和佳績，而且連續4場保持不失球，今次點兵就連傷愈冇耐嘅美斯都徵召，可見球隊爭勝決心，客勝值博。
