周二凌晨瑞典超赛事，佐加顿斯主场迎战天狼星。佐加顿斯近期连场失分，今仗难得遇弱，一定搏尽全取3分，加上近年交手食住天狼星，让1/1.5球照捧上盘。（周二凌晨1时开赛）
佐加顿斯经过开咧4连胜，近期确有回落迹象，之前4仗联赛只得1胜3和，包括上仗畀下游分子咸史达斯闷和0比0，令人失望。虽然依家落后榜首马模5分，但佐加顿斯踢少两仗，仍有力追番上嚟，佐军唔单止仅失6粒，係瑞典超失波最少球队，单计主场，佢哋今季5战取得4胜1和未输过，喺自己地头出击绝对有保证。
近6次交手全胜
天狼星则严重跌Watt，近6仗联赛只得1胜1和4负，曳到冇朋友，而呢4场败仗，于上半场已经落后，可见佢哋初段阵脚未稳下，容易畀对手偷袭得手，亦冇乜还击之力。翻查纪录，两军近6次交手，佐加顿斯全部赢晒，包括近两次联赛主场碰头，均大胜4比0，明显係格食格，就算让球盘让到1/1.5球都冇有怕，照拣上盘。
