英超周一独脚戏，啱啱喺欧联8强出局嘅利物浦作客列斯联。利物浦由上季英超冠军到今季四大皆空，联赛前4成为今季唯一希望，剩番最后7轮，场场都会搏命抢3分，不过列斯联状态亦弗，联赛3连胜包括上场击败曼城，士气正盛，两军都拥有超强助攻力双翼衞，今场等睇入球骚，2.5球入球大抵玩。
列斯联连续3场赢2比1，对手由富咸同锡菲联等护级分子，到夺标顶头大热曼城都係佢哋手下败将，其实再对上一场，列斯联都同车路士踢成0比0，可见佢哋绝对唔怕同强手硬碰。
列斯联遇强唔会缩
列斯联现时得球同失球都啱啱好係49球，如果今场再同时入波又失波，就会成英超史上第2快得球同失球达到50球嘅球队，追平喺1994/95年球季昆士柏流浪创下嘅纪录（32场），至于英超最快得失球都达50球嘅球队，係2007/08年球季嘅热刺，佢哋用30场已经达到呢个数字。
上述纪录亦进一步证明，列斯联确係一队入得又失得嘅球队，无论成绩如何都锺意进攻。球迷大多会谈及利物浦双翼衞阿历山大阿诺特及安德鲁罗拔臣，但列斯联一对翼衞今季表现亦可圈可点，艾宁及阿里奥斯基喺边线位置不断製造威胁，係列斯联今季进攻一大杀着。
利物浦虽然被皇家马德里喺欧联淘汰出局，但次回合发挥正常，已经回复最佳水准，事实上，佢哋喺联赛同样取得3连胜，现时只同第4嘅韦斯咸相差3分，下届欧联入场券仍然有价讲，而且亦係佢哋今季唯一目标，当然会搏尽。首循环红军主场同列斯联踢4比3，今场预料都係一场入球骚，2.5球大热得有道理。
