近況跌Watt沉斗沉
今晚英超率先上演愛華頓主場迎戰熱刺，兩隊都要力爭下屆歐洲賽入場券，照計戰意有保證，但論近況雙方同樣低迷，愛華頓近5場未贏過；熱刺上場不敵曼聯後，傳盛會方計劃今夏換帥，難免影響軍心，考慮到愛華頓近8仗有7場總入球開2球或以下，捧2.5球細盤最穩。
愛華頓由上月初開始，表現走下坡，喺英超連接不敵車路士同般尼，其後出戰英足盃亦吞下曼城兩蛋。「拖肥」近兩場都和波，總算及時止血，但對手只係水晶宮同白禮頓，表現欠缺說服力。領隊安察洛堤亦承認，球員攻門把握力偏低，需要提昇入球效率。值得留意係愛華頓今季英超「主弱客強」，主場15戰僅5勝，反觀作客贏咗9場，所以佢哋今場即使主場出擊，都未必攞到甜頭。
對戰拖肥寸王冇符
另一邊廂，熱刺上場英超領先之下，最終1比3不敵曼聯，近4場聯賽僅1勝。領隊摩連奴主帥生涯，首次單季輸咗10場聯賽，近日盛傳會方計劃今夏換帥，聘請狼隊領隊紐奴取代摩連奴嘅位置，球隊充滿不明朗因素。
事實上，熱刺喺摩連奴執教之下，面對愛華頓都冇乜甜頭，包括今季聯賽首循環主場0比1不敵「拖肥」。其後雙方喺英足盃交鋒，熱刺踢到加時亦被愛華頓淘汰，今場作客想入波都難。兩隊近3次聯賽對賽都開2球或以下，捧入球細比較穩陣。
