今晚西甲巴塞隆拿主场迎战护级球队华拉度列。巴塞联赛回勇5连胜，嚟紧仲要同皇家马德里合演国家打吡，自然想速战速决保留体力；华拉度列本身伤兵满营，近日更因疫情影响要残阵应战，想守都守唔住。巴塞主胜指数乏味，既然佢哋近3仗半场全开2球或以上，一于捧1.5球半场大。
西甲目前3雄鼎立，巴塞及皇马力追榜首马体会，巴塞下轮恶斗皇马，季尾仲有一场对马体会嘅冠军前哨战，呢一刻分数上唔能够落后太多，加上欧联出局，重夺西甲成为佢哋最大目标，嚟紧嘅联赛都冇得保留。佢哋近18场西甲豪取15胜3和佳绩，近5仗全胜入17球只失2球，队长美斯今季联赛攻入23球，包括近5仗入7粒，美国右闸达斯亦喺上轮联赛开斋兼起孖，进攻点多到数唔晒，今仗遇弱自然想速战速决，早早入多几粒锁定胜局。
华拉度列残阵难捱
华拉度列近期出现伤兵潮，近日再有多名主力确诊新冠肺炎，另外智利国脚奥利兰拿亦累积黄牌停赛，可用兵源买少见少，半场都未必守得住。巴塞今仗赢面极高，但主胜太热冇肉食，睇番佢哋近3仗半场全开2球或以上，转吼半场大好过。
